Hələ ötən əsrin əvvəllərindən özbək və Azərbaycan yazıçıları əməkdaşlıq etmiş və Sovet rejiminə qarşı mübarizə aparmışlar . Belə ziyalılardan Hüseyn Cavid də, Mikayıl Müşfiq də, Abdurrauf Fitrət də, Çolpan da, Vətən, Turan sevdalı digər şair, yazıçılarımız, aydınlarımız da Turan ideyalası uğrunda mübarizə aparıb, öz həyatlarını ideya uğrunda, millət uğrunda fəda ediblər.
Qeyd etmək lazımdır ki həm Azərbaycanda, həm də Özbəkistanda “ortaq keçmişdən ortaq gələcəyə” gedən yolun yolçusu olan ədiblərin, aydınların xatirəsi əbədiləşdirilib, onların irsi əziz tutulur, öyrənilir və öyrədilir. Repressiya rejimi belə aydınlarımızı fiziki cəhətdən sıradan çıxarsa da , ancaq onların ruhu, onların ideyaları və mübarizəsi yaşadı, ölümlərə, repressiyalar və repressiya törədənlərə qalib gəldi.SSRİ dövründə Türküstanın müstəqilliyi uğrunda mübarizə aparan Qorbaşı (Basmaçı) Hərəkatının 173 üzvünə Özbəkistan Ali Məhkəməsi bəraət qazandırıb.
