Planetar düşüncənin milli dəyərlər əsasında formalaşdığını, rəngarəng milliliklərinsə insanların düşüncə tərzlərini daha da zənginləşdirəcəyini söyləyən Oljas Süleymenov çağdaş türk dünyasının tanınmış şəxsiyyəti, qazax xalqının mərd oğlu, şöhrətli şair, görkəmli publisist alim, türk xalqları tarixinin tədqiqatçısı kimi çox dəyərli əsərlərin müəllifidir. Oljas Süleymenov təxminən yarım əsrdən bəridir türk dünyası poeziyasına, tarixinə və ədəbiyyatına təmənnasız xidmət göstərir, sözdə deyil, əməldə xalqların, ilk əvvəl də mədəniyyətlərini dərindən bildiyi türk və slavyan xalqlarının daha çox yaxınlaşması üçün çalışır.
